(~[الــــروايـــــة]~)

[center]اختلف اسلوب شعري وجيت بشخصية روائـي
حرف حرف وبيت بيت لين اكمـل هالروايـه

تمتزج اسلوب "وليام شكسبيـر وابـن المقفّـع"
وتختلط في سردهـا بيـن القصيـده والحكايـه

وابتدع عنوانهـا عوقـي واشواقـي وحنينـي
وشـارد بهـا فـي خيالـي م البدايـه للنهايـه

قرّبوا حولي ابحكي مـن خفايـا القلـب قصّـة
والمصيبة ان جيت ابحكي يختلط ضحكي ف بكايه

ضحكةٍ لو جيت ابرسم في الشفاه احلا ابتسامـه
ودمعةٍ لو جيـت بزلـة واقـعٍ يرسـم شقايـه

تلتقي حبكات ماضي وحاضري فيها بتسلسـل
جارفة احسـاس مستقبـل يخبـر مـا ورايـه

ما بزيـد ولا بعيـد ولا بكثّـر حشـو فيهـا
قالوا "ما قل الكلام ودل "هـو خيـر وكفايـه

حب عشق ومن هيام ٍ تكشـف المطلـع بدايـه
وجرّهـا ذاك الشعـاع ليـا تبسّمـت الثنايـه

وكني احكي عن حبيب ٍ اعرفه من وقت عـدّى
من زمن حسن النوايا وعهد مـا مـر بصبايـه

اعرِفه وما اعرِفه وان جيت اعرفه قـد عرفتـه
واعرف اني لو عرفتـه اعـرف الدنيـا سوايـه

خاطفه من ع اليمين وفي هدوء وبكـل رزانـه
لاحشى كني اهاذي ,, ومافي حد يمشي حذايـه

ايتراوالـي طيوفـه كنهـا تجـلـس بجنـبـي
كنها تحكي وتضحك وفي الاساس محـد ٍ معايـه

ولي تبادلنا السوالف وجيت اعبر عـن شعـوري
انتبهت اني اسولـف وهـي سوالفهـا صدايـه

يا ملا هل هو جنون والا حبيب ٍ تـم ف بالـي
من يميني ومن يساري ومن امامي ومـن قفايـه

لين ما ايقنـت بانـه هالتخيّـل هـو مصيـري
ودقّة ٍ فـي هالخيـال تحوطهـا مثـل العبايـه

ما هنالي غض طرفٍ والفكـر مشغـول صوبـه
ولا يشافي جرح فيني الطب اذا كانـت دوايـه

لنّها بلسم جروحي ومصـدر الهامـي وعقلـي
وكل دقّه في خفوقي تقول هي مصـدر شفايـه

وان بغيت ما يجيسني عوق ٍ واتفـادى علاجـه
بس لو ردّدت اسمها كـان لـي خيـر اوّقايـه

ومرّت الايام ولالي غيـر امنّـي النفـس فيهـا
وعندي هذا الشي احلا واغلا من للنفس غايـه

وان خطيت والا يزل القول فيهـا بـاي زلّـه
بابتسامه وايد مسامح تطوي لي صفحة خطايـه

كيف ابنسى كيف ابذكر كيف لحظه تغيب عني؟
كيف وهي كل انعكاسه تنعكس منها المرايـه ؟

كيف انساها ودامه كل قصيده تكـون فيهـا؟
كل كلمة تكون اسمها في سجيّـه مـن سجايـه

لو ارددها بصوتي وكـل مـن يسمـع شداهـا
يشيدهـا ويجيزهـا بتشبيههـا باحلـى غنايـه

الروايـه لهـا نهايـه بالشكـر للـي قـراهـا
وارجو انها حققت لـي مـا وراهـا ومبتغايـه