معى السلامه

معى السلامه جعل دربك تساهيل
معى السلامه دام مابه سلامه

قد قالها محمد وأنا آقولها الليل
آقولها والخد جاء به علامه

جاء به علامه من دموع(ن) هماليل
من وسط عين(ن) ماتلحق ملامه

مالومها من صاحب(ن) مثل ماقيل
كسر شداده وأرنبه في العدامه

يقول لي قلبي لغيرك بدى يميل
ليته رحل من دون ماأسمع كلامه

وليته رحل ماأبكى الرجال المشاكيل
اللي بكاها جارح(ن) للكرام

وفي ختامها يابو العيون المظاليل
معى السلامه رافقتك السلامه