صدقيني ما بقت للحب قيمه
................................. الجفــــــا شل الوفا وأصبح مكانه
والصراحه أصبحت كلمه قديمه
................................... و الهوى أصبح خيانه في خيانه
و المحبه كنهــا طفــلـــه يتميــه
................................... مات أبوها و انحرم عنها حنانه
والمشاعر مثل ما كف كريمه
.................................. في يدين بخيــل ذوقهــــا المهانه
الهوى يا بنت ما ذقنا نعيمه
............................... ولا خذينا عالهوى عهد و ضمانه
يوم صار الخل يظلم في نديمه
.............................. كيف تبغيـــن الهـــوى يعتز شانــه
بس نفس الحر ما ترضى بهزيمه
............................... والذكي لابد ينجــح فــــي امتحانه
بس بان النور لي وانزاح غيمه
................................. وفي عيوني كل شيء بين بيانه
وفي النهايه اعذريني يا فهيمه
.................................. الهوى كلــــه خيانــه في خيانه
موضوع: ( الهوى كله خيانه في خيانه ) 
الأربعاء سبتمبر 17, 2008 5:48 pm